Fabonacci retracement levels ki tafseel

Fibonacci Retracement

Fibonacci number aik mathematician Leonardo Fibonacci ne daryaft keye they. Yevnumber qudrati pemane ka istemal karte howe aik khas tarteeb k sath barhte jate hen. Fabonacci levels ka istemal sab se pehle qudrati ashya k number me izafay k leye tayar keya gaya tha, jis ka istemal 20th sadi eeswen me financial markets me hone laga. Fibonacci ratio k pechay basic maqsad ye hai k is ka istemal qeematon k support aur resistance level ko malom karne k leye kia jaye.
Fibonacci ratio k zarye se un levels ya position ki nishandahi ki jaye jo traders k leye munafay ka bahis banti hai. Jab market me qeematen aik trend k hisab se chal rahi hoti hai aur Fibonacci ratio bhi market ka sath de rahi ho to us sorat me qeematon ko tasalsul se chalne deya jaye. Trader trading plateforme software ki madad se Fibonacci Retracement k levels ka hisab laga sakta hai, jis se trader ko andaza ho jata hai k us ko kis level par apna munafa kamane ki zarorat hai. Forex trading me ziada tar traders apne technical analysis me Fibonacci Retracement levels par inhisar karti hai.

Fabonacci Retracement importance

1. Fabonacci retracement har tarah k timeframe me istemal kia ja sakta hai, yani short term traders bhi same faida hasil kar sakta hai, jo long term k traders lete hen.
2. Fabonacci retracement technical analysis me humen qeematon k support aur resistance ko malom karke trading k dowran take profit aur stop loss ki entry asani se kar sakte hen.
3. Fabonacci retracement ka samjhna aur is pe trading karna sab se asan hai, q k is pattern ki values ki calculation pehle se ho chuki hoti hai. Bus traders ko aik terchay line prices k top se bottom ya bottom se top tak draw karni hoti hai.

Fabonacci Retracement ki Tafseel

Fabonacci numbers ki mazeed mathematically calculation se fabonacci sequences levels banaye jate hen. Fabonacci numbers 1,1,2,3,5,8,13,21...... Waghera waghera. Ye number lamehdos numbers hen, yanni jitni chahey aap is ko apni marzi ki calculation k leye istemal kar sakte hen. Fabonacci numbers me izzafay ki psychology kuch yon hai k har anne wala number jo k proceeding number hota hai, pechley do numbers ka majomoa hota hai, jaise 1 ko 1 k sath jama karne par 2 ata hai, pher 1 ko 2 k sath add karne par 3 ata hai, issi tarah chalte jayen, aur 8 ko 13 k sath jama karne par 21 ata hai, ye numbers banana itna mushkil nahi hai, buss matha ki calculation ani chaheye.
Fabonacci numbers malom karne k baad uss ki calculation karne se fabonacci sequences levels creat keye jate hen, ye sequences levels trading main bohut ziada aham hen, q k prices aksar in levels ko apne support aur resistance k leye istemal karte hen. Fabonacci sequences ko malom karne k leye tareeqay kar thora sa mukhtalif hai, jab bhi aik number ko uss k bad ane wale number par divided ki ajta hai, to uss se result 0.61 k aas pass ka ata hai, jo aik fabonacci sequence ka number hai, issi tarah se jab aik number ko uss k anne wale number ko chor kar agle number se divid ki jaye to ye 0.23 ki value deta hai. Ye sequence agay percentage main change karke trading k leye levels banaye jate hen.

Fabonacci Levels ka Trading me Istemal

Fabonacci retracement levels ko price chart par draw karnne k leye sab se pehle do intehaye ziada aur kam points k darmeyan aik trend line ko draw karne se kia jata hai. Six horizontal lines ki ek series fabonacci levels 0.0%, 23.6%, 38.2%, 50%, 61.8%, aur 100% par trend line ko uboor kartti howi bannaye jatti hai. Ye levels prices k leye bohut strong support and resistance ka role play karti hai.
Jab bhi kisi stock ki prices in levels k aas pass ati hai to traders market main muhtat ho jate hen, q k yahan par do qisam k soratehal ho sakte hen, ya to prices in levels ko breakout karti hai aur ya unn ko touch karke ya touch karne se pehle hi wapis ho jati hai. Agar prices inn levels ko breakout karti hai to uss k baad prices next levels par nazren jama leti hai, jo k prices ka main agla hadad hota hai, aur ziada tar prices agle levels ki taraf jati hai.
Agar prices in levels ko breakout ya breakdown nahi kar pati hai to uss sorat main ye levels support and resistance levels ban jati hai, jitni baar prices in levels se wapis hongi, utne hi ziada ye levels strong hote jayengay. Prices k fabonacci retracement levels se reverse hone ki sorat main uss ki pechli level ziada ahmeyat ikhteyar kar jate hen, jo prices k leye ziada mazbot hadaf hota hai. Fabonacci levels me 38.2% aur 61.8% k numbers ko golden numbers kaha jata hai. Jo k prices ka aik aham hadaf hota hai.

Re: Fabonacci retracement levels ki tafseel

Assalamu Alaikum Dosto!

Fibonacci Retracement

Italien mathematician "Leonardo Fibonacci" ne 13th century main apni kitab "The Book of Calculation" main fabonacci number ka concept paish kia tha. ye number unhon ne jiss ko trading k dowran support aur resistance levels, take profit, stop loss, entry, exit, trend continuation aur trend reversal k tawar par istemal kia jata hai. Fibonacci Retracement indicator mathematically percentage lines create kartta hai, jiss ko trading k dowran support aur resistance levels faraham kartte hen, jin ka istemal prices k hadaf k maqsad k hosol k leye kia jata hai.
Fabonacci retracement ko display karnne k leye sab se pehle do intehaye ziada aur kam points k darmeyan aik trend line ko draw karne se kia jata hai. Six horizontal lines ki ek series fabonacci levels 0.0%, 23.6%, 38.2%, 50%, 61.8%, aur 100% par trend line ko uboor kartti howi bannaye jatti hai. In numbers main 38.2% aur 61.8% k numbers ko golden numbers kaha jata hai.

Fabonacci Number Calculation Procedure

Fabonacci retracement ki calculation k leye sab se pehle fabonacci numbers ki calculation ki jati hai. Ye lines to aam tawar par percentage main dekhaya jatta hai, lekin dar-assal ye lines fabonacci sequences hote hen, jiss ko 0, 1, 1, 2, 3, 5, 8, 13, 21, 34, 55, 89, 144, etc. draw kia jatta hai. Fabonacci sequences ki calculation bohut easy hai, iss main har aggla digit pehle do digits ka majmoaa hotta hai, jaisa k 0 +1 =1, 1+1 = 2, 1+2 = 3, 55+89 =144 wagher wagher...... Fabonacci sequences lamehdod numbers par mushtamil hotte hen. In sequences number ka sab se qabele-zekar baat ye hai k har number appne pechle number se taqreeban 1.61 gunna ziadda hai. In series main har ek number k darmeyyan aik makhsos reshta payya jatta hai, jiss ko technical analyst istemal karke retracement levels ka tayyun kartta hai.
Fabonacci sequence bannane k baad fabonacci ratio malom karnna hotta hai, jiss ko bhi mathematically inhen numbers se hasil kia jatta hai, ye tareeqay kar bhi itnna ziadda mushkil nahi hai, lekin maths ki calculation iss main aham role play kartti hai. Fabonacci ratios ko darjazzel tareeqay se hasil kia jatta hai.
Fabonacci ratio main 61.8% aik key number hai, iss number ko hasil karnne k leye aik number ko har ane wale number par divide karnne se hasil kia jatta hai, jaise 21 ko 34 par divide karnne se 0.6176 hasil hotta hai, jab k 55 ko 89 par divide karnne se 0.61798 atta hai. Fabonacci ratio k 38% number ko har aik number ko aik number chor kar aggle number par divide karnne se hasil kia jatta hai, jaise 55 ko 144 se divide karnne se 0.38194 hasil hott a hai.
Fabonacci ratio ka 23.6% ko malomm karnne k leye aik number ko uss k baad do number chor kar anne wale number par divid kia jatta hai, jiss se taqreeban result 23.6% k aas pass atta hai, jaise 8 ko 34 par divide karnne se 0.23529 atta hai. Issi tarrah se dossre number bhi hasil keye jatte hen, jiss ka tareeqay kar upper bayyan keye gaye tareeqay k mutabiq hotta hai. Ye numbers agay trading k dowran prices k leye support aur resistance ka kaam karte hen.

Trading

Financial market main fabonacci levels ka istemal bohut baad main kia gaya hai, jiss main qudrati tawar par prices in levels se rebound hoti hai, jiss se ye levels prices k leye support aur resistance zone ka kaam karta hai. Fabonacci levels ko nature se le gaye aik mathematically ratio hai, lekin ye namalom wajohat par financial markets jaise stock market, forex markets waghera main bohut aham role adda kartta hai. Technical analyst in ko aham point k tayyun karnne k leye istemal kartte hen, jahan par stock ki prices ka in levles se reversal honne k imkannat hotte hen. Day traders k leye fabonacci retracement aur bhi ziadda faida mand hotte hen, jo in levels ko apne analysis ka hissa bannate hen.
Forex trading main fabonacci retracement ka istemal dossre indicator ki nisbat sab se ziadda hai. Aik to ye indicator sab se sadda hai, aur dosrra iss ka itlaq kisi bhi stock ya price par kia ja saktta hai.
Fabonacci retracement ka istemal support levels, resistance levels, entry, exit, take profit aur stop loss k leye kia ja saktta hai. Fabonacci retracement horizontal lines hotti hai, jo support aur resistance levwls ki mumkinna points ki nishan-dahi kartti hai. Har levwl mandarja bala tanasub ya pesad se wabastta hai. Is se patta chalta hai, k qeemat kitne pechay hat gaye hai, ya ussi semat main agay ki taraf chali gaye hai. Fabonacci retracement forex trading main technical analysis k dowran istemal hotta hai, jiss se analyst prices ka support aur resistance levels maloom kartte hen. Ye prices akele main bhi thora bohut to kaam kartte hen, lekin dosre indicators ya price action k sath istemal karnne par bohut achah results detti hai.
Forex trading main fabonacci retracement levwls do tarah se kaam karte hen, jiss main aik trend continuation aur dosra trend reversal ka. Trading k leye jab bhi prices in lines ko breakout kartti hai to uss sorat main kisi reliable indicator se prices ki trend ki tasdeeq karen aur ya price action k zarye se trend ka semat maloom karen. Ziada tar prices aksar in levels se takrane k baad palat jatti hai, lekin market main kisi aik side se ziada pressure hone ki wajja se ye in lines ko breakout bhi kar jatti hai. Stop loss ka istemal bhi in lines par hi karen, jiss ko dosrri tarraf take profit ka leye istemal kia jatta hai. Jab bhi prices fabonacci lines ya levels ko choh letti hai, to yahan par ya to ye prices in levels ko uboor (breakout) karegi aur ya reversal ho kar palat jayegi. Jiss se prices ka aik new trend ya trading range shoro hota hai.