نريد من الحكومه المصريه هذا الطلب

مساء الخير ياجماعه

جت فى دماغى فكره كده

عايزين نعرضها على الحكومه

طبعاً انتم عارفين
ان سوق العملات فوركس

مهنه كبيره وعملاقه

واسواق المال بصفه عامه

ليه بقا ميكتبوش لكل من يضارب فى هذه الاسواق

فى بطاقته الشخصيه

فى خانة الوظيفه

ينكتب مضارب او مستثمر فى اسواق العملات

لانها وظيفتنا وده عملنا

فعايزين نكتب الوظيفه دى فى البطاقه ايه رأيكم

شكراً ليكم ومنتظر التعليقات

فكرة هايلة اخى الكريم بس معتقدش انها هتاخد موافقة ولا اهتمام اصلا من الحكومة لأنه حتى الحكومة اعتقد متعرفش يعنى ايه فوركس ومازال كثير جدااا من الناس لا يعرفوا ولاتنظر الى اصحابك والمجتمع من حولك فا هما اكيد زيك وبيتاجروا انما لسه فيه فئة كبيرة مش عارفه .

هى فكرة جيدة وحلوة جدا ان يتم ادراج الفوركس كعمل يعتد به من قبل الدولة لكن اساسا الفوركس مش معترف بيه فى مصر فكيف سيقوموا بأعتراف بهذه المهنة واعتقد حتى لو تم الأعترف به لن يعتد بها وظيفة او عمل الا لفئة ممن حصلوا على شهادات معينة توضح عملهم فى هذا المجال ولكن هل مثلا فى اوربا وامريكا يعتبر المضاربة فى الفوركس عمل يعتد به فى البطاقة الشخصية وخصوصا ان امريكا بتاخد ضرايب عليه ؟

للاسف يا اخى انت فى بلد اللى ميعرفش فيها بيقول عدس .. اذا كان مش راضيين يرخصوا اصلا الفوركس فى مصر ومش راضين يخلوا شركات وساطه لينا هنا فى مصر على الاقل فلوسنا متطلعش بره البلد .. هيخلوا بقى الفوركس وظيفه وتتكتب فى البطايق كمان ... انا شايفه طلب جميل بس مين يسمع بقى يا باشا .. انت نسيت انك فى مصر ولا ايه

للاسف يا اخى انت فى بلد اللى ميعرفش فيها بيقول عدس .. اذا كان مش راضيين يرخصوا اصلا الفوركس فى مصر ومش راضين يخلوا شركات وساطه لينا هنا فى مصر على الاقل فلوسنا متطلعش بره البلد .. هيخلوا بقى الفوركس وظيفه وتتكتب فى البطايق كمان ... انا شايفه طلب جميل بس مين يسمع بقى يا باشا .. انت نسيت انك فى مصر ولا ايه

لاياحبى مفيش حاجه اسمها مين يسمع
احنا ندخل على موقع رئاسة الوزارة ونقولهم الكلااام ده

دى بلدنا واحنا نمشيها بدمغنا وبالارداه الشعبيه

يتحقق كل المطالب

وبعدين انت عارف اننا ننعم بالديمقراطيه احسن من الاول وهنقدر نوصل صوتنا للحكومه

عايزين الحكومه تسمع اللى احنا بنقوله ده

ورئيس الوزاء بالاخص

لاياحبى مفيش حاجه اسمها مين يسمع
احنا ندخل على موقع رئاسة الوزارة ونقولهم الكلااام ده

دى بلدنا واحنا نمشيها بدمغنا وبالارداه الشعبيه

يتحقق كل المطالب

وبعدين انت عارف اننا ننعم بالديمقراطيه احسن من الاول وهنقدر نوصل صوتنا للحكومه

عايزين الحكومه تسمع اللى احنا بنقوله ده

ورئيس الوزاء بالاخص

ههههه محمد بلاش اليومين دول وخصوصا ولسه اللى اسمه الجنزورى ده موجود هى بادرة جيدة لما تستقر البلد ويبقى فيها حكومة مسئولة مش الحكومة الهفأ اللى موجودة دى واللى بتعمل ضد الشعب
ده مش بعيد تصدر قانون يمنع اى حد يشتغل فى الفوركس وتقولك عندك البورصة المصرية ادعمها بدل ماتخرج رؤس الأموال بره خلينا حاليا بعاد عن عقم الحكومة المصرية الفاشلة

اخي محمود بلاش الموضوع ده انت لو عملت كده هتتقلب على دماغنا اصلا عارف ليه هقولك ليه
انت هتطلب ان دي تكون وظيفه رسميه وتتكتب في البطاقه انت عارف ده ممكن يعمل لينا ايه
معنى كلمه متاجر عند الدوله يعني ارباح ضرايب علينا طبعا على اعتبار اننا تجار ومش هتلحق تتهنى بكلمه متاجر في البطاقه
وكل شويه مأمور الضرايب على باب بيتك ومولد ملاوش اول ولا اخر واسأل اي متاجر في اي مجال اخر وهو هيقولك الحقيقه
وكمان هتيحايل عليك علشان تديليه اسم اي وظيفه حتى ولو ساعي في سبيل انه يخلص مش شغل التلات ورقات بتاع الضرايب معاه
كبر دماغك احنا مش في امريكا دول ما بيصدقوا يلاقوا حاجه ياخدوا عليها فلوس

اعتقد الحكومه بتاعتنا لسه مدخلتش الالفيه التالته اساسا وكل اراءهم من الماضي وممكن اساسا ميكونوش معترفين بالتجاره الالكترونيه او ممكن يعتبروه لعب عيال بعيد عن الواقع دا لسه لحد دلوقتي كمان مش راضيين يفعلوا البايبال في مصر تقولي يكتبوا مضارب في البطاقه احنا لسه قدامنا سنين علي كدا

انا لست مصريا,لكن اوافق استاذ محمد في هذا الأقتراح,فربما يكون الفوركس حلا لمشكلة البطالة في مصر ,لأن الثورة اساسا اندلعت بسبب مشكلات اقتصاديه,فأرجوا من الأعضاء المصريين تشجيع استاذ محمد في هذا الأقتراح

اعتقد الحكومه بتاعتنا لسه مدخلتش الالفيه التالته اساسا وكل اراءهم من الماضي وممكن اساسا ميكونوش معترفين بالتجاره الالكترونيه او ممكن يعتبروه لعب عيال بعيد عن الواقع دا لسه لحد دلوقتي كمان مش راضيين يفعلوا البايبال في مصر تقولي يكتبوا مضارب في البطاقه احنا لسه قدامنا سنين علي كدا

ده كده احسن اخي وراجع ردي السابق وانت هتعرف ليه بقولك كده
معنى انك مضارب في البطاقه انك بتكسب بأه ومعاك فلوس ملهاش اول ولا اخر وهتكون مشروع قانون ضريبي جديد
ليهم ياخدوا منه فلوس وطبعا لانهم مش عارفيين المجال ده وعارفيين ان الاغلبيه على باب الله واللي بيكسب مره بيخسر عشره

هههه ايوه فكرة جامدة جدا و لكن لا ااعتقد انه ممكن يكون موافقة على الطلب وضع القوركس كالمهنة في البطاقة الوطنية
الدولة على اي اساس ستعتمد لكي تصع لك انك موظف في الفوركس

اعتقد الحكومه بتاعتنا لسه مدخلتش الالفيه التالته اساسا وكل اراءهم من الماضي وممكن اساسا ميكونوش معترفين بالتجاره الالكترونيه او ممكن يعتبروه لعب عيال بعيد عن الواقع دا لسه لحد دلوقتي كمان مش راضيين يفعلوا البايبال في مصر تقولي يكتبوا مضارب في البطاقه احنا لسه قدامنا سنين علي كدا

وعلى فكرة اللى بلاحظوا من الحكومة ووسائل الأعلام بانها دائما بيحاولوا يخوفوا الناس من التعامل مع الأنترنت فى المعاملات المالية وبيحاولوا يرسخوا فى العقول انه نصب فى نصب ده اللى بلاحظه دائما حد بيشوف اعلان الجاسوس
لأن بالظبط ده هى عقلية الحكومة والأعلام المصرى الفاسد بيتعاملوا مع عقول الشعب على مبدا المغفلين والجهلة وان شاء الله تنتصر ثورتنا عشان نقدر نخرج خارج هذه الدائرة

والله يا محمد هي هتبقا جامدة بصراحة بس اعتقد ان دي هتحتاج اوراق تثبت انك ف شغال ف العمل ده الموضوع مش بالساهل كدة والا اي واحد عاطل بقا يروح يقولهم انا مضارب ف الفوركس ويكتبولوا
لازم ادلة على كدة .. اعتقد الموضوع صعب والله اعلم

وطبعا ستكون ملزما حينذاك بأداء الضرائب عن الدخل حتى وان
لم تحقق أي دخل
اسمحولي ان تدخلت وان لم أكن مصريا ولكنى أحب المصريين

معتقدش انهم يوافقوا عليها واعتقد ان الفوركس هو مثل البورصه هل بيتكتب فى البطاقه برضوا مضارب فى البورصه انا عن نفسى مسمعتش قبل كده