التوصيات..بداية الخسارة

السلام عليكم ورحمة الله وبركاتة
لاحظت تكرار السؤال على الاماكن التى تقدم توصيات المجانية والمدفوعة
اود ان اتكلم فى هذا الموضوع لانة غاية فى الخطورة خاصة للمبتدئين
اولا احنا داخلين مجال الفوركس بداية على سبيل اننا نأخد فكرة ولو تمام نكسب ملايين زى مالناس والاعلانات بتقول
ودى الطامة الكبرى لحنا لما ندخل مجال لازم نفهم هوة اية بالضبط والياتة وحدودة وادواتة وايجابياتة وسلبياتة
بالطريقة دى ممكن نتعلم ونحقق كل مانحلم بية لكن أفة الانسان الطمع والتسرع
لازم نحط فى اعتبارنا فى المقام الاول اننا نتعلم ونفهم كويس وكمان دا احنا فى المنتدى بنتعلم ونأخد فلوس (البونص)
يعنى مفيش احسن من كدة تتعلم وتاخد راس مال علشان تبدأ بية مش علشان تدور على حاجة تخليك تخسرة
مثلا التوصيات الجاهزة المجانية معظمها مش صح ولو مدفوعة الاجر طيب انت جاى هنا تتعلم ولا بتدور على مدير اعمال
الفوركس علم جامد جدا ومحتاج مذاكرة من نار وعقل مركز جدا وخبرة فى التداول ودى بتيجى مع الحساب التجريبى والمسابقات
يا اخونا احنا بنتعلم مهنة محترمة ودة بزنس عالى جدا مش لاى حد ولا اى فهلوة والسلام
الى عاوز يكسب لازم يحلل ويتاجر بنفسة ويخسر علشان يتعلم ميخسرش تانى يعنى لازم نحلل كل حاجة بعملها نجيب دفتر ونسجل فية ونراجعة كل وقت لتوقف السوق
لازم ننسى قصة التوصيات الا اذا كنت فاهم شوية وعاوز تبص على تحليلات الخبراء وتشوف نفسك بتحلل صح ولا غلط وكمان ما ننساش الاخبار
كل الى فات كوم وانك تبدأ بالتوصيات كوم يعنى انت ناوى تخلع بدرى بدرى من غير ماتفهم حاجة وهتكون خسرت كمان
اتمنى يكون كلامى وصل للاخوة المهتمين بالتوصيات الكلام دة عن تجربة
تقبلوا فائق احترامى

أخي هشام شكرا على الموضوع
وفعلا الناس تركض وراء التوصيات وتعتقد أنها ستربح وحتى لو ربحت صفقة تأتيك بعدها ثلاث صفقات خاسرة
إعتمد على نفسك وتعلم من أخطائك
تعلم التحليل التقني الكلاسييكي
حدد مناطق الدعم والمقاومة القوية حتى تعرف كيف يتأرجح السعر

مرة أخري شكرا على الموضوع وبارك الله فيك

حياك الله بجد :)