نصل للمارجن كول ثم يصل الزوج للهدف فانندم

السلام عليكم
هتكلم عن حدث فى الفوركس مهم جدا وكلنا بنمر بية مين فينا دخل صفقه وخسر مبلغ كبير او كل راس مالة واتمرجن ولما تابع الزوج بعدها يلاقية وصل للهدف !
فايقولك السوق دة حظ او الشركة بتنصب علية وفى لعب فى المنصة واية الحظ دة لو كان معايا راس مال اكبر مكنتش اتمرجنت!
طب اسمحلى اقولك ان الاسعار هى هى وتابع الزوج على اى منصة هتلاقى بالفعل السناريو حصل والزوج وصل لهدفك بعد ما اتمرجنت والسوق مش حظ ولو كان معاك برضة مبلغ اكبر كنت هتخسر
اية الاسباب اللى بتوصلنا للمارجن كول ثم الوصول للهدف والندم !
1الدخول الخاطئ:معنى ان الزوج عكس عليك 100 ولا 200 نقطة واكتر فا انت عندك مشكلتين الاولى ان دخولك اصلا خاطئ يابايع من دعم ياشارى من قمة بالتالى لازم تخسر لان دخولك عكس الاتجاة
المشكلة التانية فين الاستوب لوز لية مش محدد الخسارة بعدد نقاط معين ومستنى يا المكسب يا المكسب جبت الثقه منين ان دخوك صح وهتكسب لية معملتش حساب الانعكاس والاستوب تستخدمة صح ويكون الهدف ضعف بمعنى الاستوب 50 الهدف 100 كا مثال
2 حجم العقد او اللوت :معنى وصولك للمارجن كول ان اللوت كان كبير وغير مناسب لحجم راس مالك لو مثلا راس مالك 100 دولار فا بعد 100 نقطة هتتمرجن لو دخلت ب10 سنت او 5 مكنتش وصلت للمارجن كول ابدا مع وجود الاستوب يبقى مامن نفسك وهتخسر نسبة محددة لاتتعدى 10%
اختصار " اهتم بالنقطتين دول كويس جدا وانت مش هتتحسر على وصول الزوج للهدف بعد ما اتمرجنت الندم لا يفيد لاتبكى على اللبن المسكوب اتعلم من اخطائك ادخل بلوت مناسب من مكان قوى ومناسب البيع من قمة والشراء من قاع واعرف الاتجاة العام للزوج والتزم بلوت مناسب وابعد عن الطمع

طبعا ربنا ييسر لنا جميعا الامور بس غالبا ده بيكون بسبب الادارة الماليه
يعنى بيكون فى مخاطرة عاليه جدا وده مش صح فى سوق زى سوق الفوركس
الا اذا كنت واثق جدا من تحليلك وان الانعكاس مش هيكون كبير