الترند

مشكور أخي الكريم على موضوعك الرائع
نعم اخي الكريم الترند يقولو صديق المتداول ولا كن يجب الحذر من وقت الاخبار لان. ممكن تكون هناك اختراقات كاذبه
بالتوفيق

السلام عليكم ورحمة الله وبركاته
اعتقد انه ينفع رسم الترند من أعلي
وأيضا يمكن رسم الترند من أسفل

حسب نوع الترند الذى ترسمه فلوكان صاعد فمن الاسفل الى الاعلى ا ى من اسفل الشموع
و اما ان كان من فوق الشموع فهو الترند الهابط وللتقريب لو انك تنظر الى شئ مرتفع لابد ان تنرمن اعلى الى اسفل و اما ان كنت تنظر الى شئ منخفض فمن علىالسطوح تنظر اليه

السلام عليكم ورحمة الله وبركاته

بارك الله فيك اخي على هدا الموضوع الجميل و ربي يجعلو في ميزان حسناتك

لله يهدينا و يهدي جميع المسلمين جزاك الله خيرا وبارك فيك

الجزء الاول :
تعريف الترند لاين :
قبل ان نقول ما هو الترند لاين لازم نحدد يعنى ايه خط الاول . ببساطه الخط هو ما يصل بين نقطتين ، فى علم التحليل الفنى النقط دى نقول قمم سعريه او قيعاه سعريه . اهمية خطوط الترند تأتى مباشره من اهميه توصيل نقطتين . خلى بالك من كده كويس و انت بترسم خطوط الترند .




الترند لاين بيمثل سيكولوجى السوق خصوصا بين البائعين و المشترين بمعنى لو الترند بيميل لاعلى يبقى المشترين هما المتحكمين فى السوق و العكس ... و طبعاً زاويه الميل تبين اوى زخم القوه هنا .
ممكن كمان ترسم الترند لاين افقى فيعطى لك الدعم و المقاومه الافقيه او رأسى فيعطى لك بدايه الترند زمنيا او نهايته زمنيا يعنى من التاريخ الفلانى ابتدى الترند الصاعد و العكس .
يبقى اختصاراً...
---------------
الترند لاين يبين سيكولوجى السوق الثيران ( المشترين ) مقارنهً بالسوق الدببى ( البائعين ) – يوضح تفاؤل او تشائم السوق – الترند الافقى يبرز المقاومه و الدعم و الرأسى توقيت الترند و المائل يبين الوقت و السعر .



الجزء الثانى :
رسم خطوط الترند :

طيب نبدأ ببساطه نتعلم نرسم الترند ... اول شئ نرسم من ترند هابط بين قمتين عشان نحدد مقاومه




طريقه تانيه للرسم اننا نرسم ترند صاعد بين قاعين عشان نحدد الدعم





فى الشارت اللى جاى حنشوف ازاى السهم بيحترم الترند الصاعد فى حالتنا هنا و بيرجع يختبره تانى ...




من الحاجات المفيده و الشيقه غالباً انك تحدد الحركه الهابطه او الصاعده بترند لاين زى اللى فى الشارت اللى فوق و بعدين ترسم خط موازى له تانى يظهر المقاومات .





بص على الشارت ده ... حتلاقى ازاى تحددلك مقاومات على خط الترند ... لاحظ كمان فى استخدام تانى للخط الموازى ان الخط الاوسط خلق مناطق مقاومات تانيه كمان عشان كده محبب ترسمه لما تكون بتعمل خطوط ترند متوازيه او قناه سعريه .





فى الشارت ده ... انا رسمت ترند بين نقطتين 1 و 2 و خدت خط موازى عند 3 دا يوريك ازاى خط ترند بسيط عمل مقاومات و دعوم للسهم لما اخترقه لاعلى و ده لان خط ترند اترسم التهارده ممكن يكون فعلا لايام و اسابيع و يمكن سنين قدام .
خطوط الترند محتمل تكون ابسط اداه فنيه ممكن نطبقها سواء على شارتات اسهم او عملات و لازالت فعاله جداً . كمان الخطوط المتوازيه سواء اللى تحتوى ترند قوى او سلوك تصحيحى عاده بتعكس مناطق مقاومات او دعوم قويه و حنلاقى على الحدود السفليه او الخط المنتصف دعوم قويه بينعكس منها الترند لاعلى ... زى اللى فى الشارت اللى جاى .





فى المثال اللى جاى فى حاجه بنعملها كنوع من الحيله ... احنا بنستخدم الترندات بطريقه مختلفه بنوصل قاعين و نعمل خط موازى لتوقع الاختراق نلاحظ بعد كده ان الخط الموازى ده اظهر دعم زى ما فى الشارت .





فى الشارت اللى جاى ده حيله تانيه بنعملها ... بنوصل ترند بين قمتين و ناخد خط موازى لتحت و كمان خط موازى لتحت لتوقع الدعوم اللى ممكن تحصل ... شوف الارتداد حصل منين ...





كل اللى رسمناه فوق كان يا اما ترند لاين من قمه لقمه او من قاع لقاع ... لكن مش دى الطريقه الوحيده لرسم خط الترند فالرسم اللى جاى حتلاقينا رسمنا من قيعان صغيره فى الاول و بعدين فى احداث لاحقه .





الطريقه الاخرى لرسم الترند احنا اتعرضنالها فى الشارت اللى قبل ده ... و هى اننا نرسم من قمه لقمه ثم ناخد خط موازى لاسفل لتحديد قيعان ربما تظهر دعم مستقبلا و ايضاً لاعلى لابراز مقاومات قد تبرز قمم مستقبلاً .





احنا وضحنا ازاى نرسم الترند لاين من الاقصى للاقصى يعنى من قمه لقمه او من قاع لقاع ... فى الشارت اللى جاى حنرسم اثنين ترند لاين من قمتين مهمين الى قاعين مهمين . من الوهله الاولى الترند المبدئى دا ميديشناش احنا المضاربين او المحللين الفنيين معلومات كتيره لكن على الرغم من كده انك لو رسمت ترند من قمه مهمه الى قاع مهم او العكس بالعكس و اخذت خط موازى له محتمل تكتشف ان الترند ممكن يتكسر او يستمر .





على سبيل المثال ... انا حرسم ترند لاين من قاع مهم الى قمه مهمه و حناخد خط موازى لاقل حركه كانت فى تتابع حركه السعر داخل الترند ده ... اصبح الترند الجديد ( الخط الجديد ) محدد لنهايه الترند الصاعد اللى كان موجود قبل كده و بمجرد الاغلاق اسفله بدأ الترند الهابط .





على نفس الشارت تعالى نشوف كده نعمل العكس ى نشوف حيحصل ايه ...





طيب الكلمتين اللى حنقولهم دلوقتى مهمين شويه ... امته نقول ان الترند لاين اتكسر ؟ بعض الناس حتقول ان الكسر يتم لو اغلق اسفل او اعلى الترند لاين حسب نوع الترند صاعد او هابط ... انا افضل انك تشوف ان الحركه بدأت تبعد عن الترند قبل ما تقول الكسر تم ... يعنى لو الترند اللى احنا رسمناه من قاع مهم لقمه مهمه زى ما شوفنا فوق و خدنا الموازى ليه و بدأ السهم ينزل انا افضل ان هاى الشمعه يكون اسفل الترند عشان اتأكد من الكسر ... و العكس بالعكس .

الترند هو الاتجاه السعر وهناك قاعة تقول لا تفنح عكس الاتجاه فذالك خطير
يمكن معر الترند برسم خط عي قعين او قمتين اشكرك يا اخي الكريم على
هذا الموضوع المميز والمفيد

بالتاكيد اخى يجوز رسم الترند من اعلى الشنوع او من اسفل الشمعوع وعلى اساسه هيبقى ترند صاعد ولا ترتند هابط ومن ثم نستطيع الدخول شراء او بيع

مشكور أخي الكريم على الموضوع و على الطرح القيم و على المعلومات التي تقدمت بها، على اية حالل لقد سبق و أن تم تقديم الكثير من المواضيع و التي تشرح الأمر بالصور من الألف إلى الياء إن شاء الله، بالتوفيق إن شاء الله

نعم الترند يريد تحديد بالخط المستقيم القمم والقيعان حتى تقدر تضع الخط المستقيم المقصود به الترند هذا الترند يعتبر مميز وجيد وطريقة التداول بالتدرندات يعتبر ممي وجيد والكل يعرف هذا

بالنسبة لي افضل ان يكون الترند اسفل الشموع اذا كان الاتجاه صاعد اما اذا كان التجاه هابط افضل رسم الترند
اعلى الشموع

بسم الله الرحمن الرحيم
اذا كان يا اخى الاتجاه صاعدا فيجب رسم الترند من اسفل وتكون
نقطه شرائك هى نقطه تلامس خط الترند
واذا كان الاتجاه العام هابط يبقى ترسم الترند من فوق يا معلم

الترند فى قمم وقيعان وفى ترند
صاعد هابط
انواعه وطرق رسمو كتير
انصحك بمشاهده الفيديوهات
بالتوفيق اخى

السلام عليكم ورحمه الله وبركاته
اذا كان يا اخى الاتجاه صاعدا فيجب رسم الترند من اسفل وتكون نقطه شرائك هى نقطه تلامس خط الترند
واذا كان الاتجاه العام هابط يبقى ترسم الترند من فوق يا معلم ويبقى نقطه البيع بتاعتك هى نقطه تلامس الترند مع السعر
وخد بالك ومتستعجلش واستنى وامشى مع الترند ياباشا هتكسب صدقنى
ارجو ان تتقبل مرورى واحترامى لك

يمكن رسم الترند من اسفل فى حالة اذا كان الاتجاه صاعدا فيتم رسم خط مائل يصل بين قيعان الشموع فان
كان مائلا لاعلى يسمى ترند صاعد وايضا فى حالة تم رسم خط بين قمم الشموع وكان مائلا لاسفل يسمى ترند هابط

السلام عليكم ورحمة الله وبركاته هو توصيل اكثر من نقطه دعم مع بعض او اكثر من نقطه مقاومه و يرتكز او يرتد السعر منها بالتوفيق للجميع ان شاء الله