قصيدة

كان يوم مطر
البغبغان جوّه القفص
طَلَّع لسانه لعصفورين
فوق الشجر
خليكوا سايقين العِناد
العِش قاد وخسرتوا ويَّاه الوِلاد لما انفجر
هو انتوا حمل السيل ولا حمل المطر؟
كان فيها إيه لو تعلموا زيِّي وتقولوا زي ما يقول البشر
ردوا عليه العصفورين
لو عَ الوِلاد.. البطن ولاَّدة
والعِش مهما يِقيد
صخر الجبل عناقيد نفرِشها سجادة
وانتا اللي فرحان بالقفص
أصلك قفص
كتموا الهوا جواك
ونسّوك إن ما بينِ الحياة والموت نفس !

السلام عليكم والسلام على رسول الله صلى الله عليه وسلم
السلام عليكم ورحمة الله وبركاته اهلا بك اخى الفاضل بالفعل الموضوع ممتاز