قصيدة باللهجة المغربية عن الأم

تقدر تبغيك إيمان وأمال وزُوبيدة !!
ولكن حتى وحدة ماتبغيك بحال الواليدة !!
هادي حاجة باينة من زمان ماشي جديدة !!
سول لي ماعندوش يماه ولا عليه راها بعيدة !!
حياتو مرة بحال القهوة بلا سنيدة !!
ديما مريض والأحزان ديالو شديدة !!
ترجع ليه الأم ديالو هي أمنيتو الوحيدة !!
تبكي واخا يكون قلبك قاسح كي الحديدة !!
علامن تحط الرَّاس وتضربها بتوسيدة !!
من تكون فرحان تكون هي فرحانة وسعيدة !!
ومن تكون مريض مسكينة تحس بالكبيدة !!
تمرض حتى هي وتنهد شحال من تنهيدة !!
المعيشة بلا الأم صعيبة !!
وفراقها مشكلة وموصيبة !!
الحياة بلا بيها خايبة وغريبة !!
الدنيا ماتسوا والو والأوقات كئيبة !!
من تقلق تمشي توسد ديك الركيبة !!
تفكر فيك تعطيك تاكل وتجيب ليك شريبة !!
تبغي ولادها وفالدار عندها هيبة !!
تهلا فيها واحترمها قبل ماتخلص الضّريبة !!
لي عندو مو الله يحفظها ويخليها ليه !!
مايخليهاش هي ويتبع العشيقة والحبيبة !!
ولي ماتت مو الله يرحمها وإن شاء الله يتلاقاو لهيه !!
عند الله فجنة الفردوس ومنُّو تكون قريبة !!

السلام عليكم ورحمة الله وبركاته مشكور اخي الغالى على الموضوع والطرح والمعلومات عن اللهجة المغربية الغامض للكل
أتمنى الاستمتاع بها ولا تحرمنا من المواضيع
تقبيل مروروي

بسم الله الرحمن الرحيم
شكرا لك اخى الكريم
معلومه قيمه تستحق التقدير
ونتمنى لك ان نرى المزيد من المعلومات القيمه باذن الله فى الايام القادمه
والسلام عليكم ورحمه الله وبركاته