ح تجن

حاتجن ياريت ياخوانا

مارحتش لندن ولا باريز

دى بلاد تمدين

ونضافه وزوق ولطافه

وحاجه تغيظ

مالاقيتش جدع متعافى

وحافى

وماشى يقشر خص

ولا شحط مشمرخ افندى

معاه عود خلفه

ونازل مص

ولا لب أسمر

وسودانى وحمص

وانزل ياتقزقيز

حاتجن ياريت يا أخواننا

مارحتش لندن ولا باريز

ولا عركه فى نص الليل

دايره بالحيل

وساحبها بوليس

قدامها جدع متجرجر

وشه معور

قال ايه دا عريس

الخلق ماهى بتتجوز

واشمعنى أحنا مفيش تمييز

حاتجن ياريت يا أخواننا

مارحتش لندن ولا باريز

ولا واحده فى وش الفجر

تبرطع ماليه الدنيا صوات

قال ايه

جوز خالتى ام احمد

سلفة أخوها السيد

مات

سبحانك ماأعظم شأنك

والله الموت

دا مفيد ولذيذ

حاتجن ياريت يا أخواننا

مارحتش لندن ولا باريز

ولا واحد طالع يجرى

وواحد تانى بيجرى وراه

ويقول هاهع حصلتك

يابن اللى ابصر أيه عاملاه

لا الشارع غيط ياأخواننا

ولا احنا بداره

ولا احنا معيز

حاتجن ياريت يا أخواننا

مارحتش لندن ولا باريز

ولا واحد بيبيع حاجه

يقول بريال وتاخدها بصاغ

ياأخواننا دى حتى الابره

تاخدها بدوشه وقلب دماغ

حلفان

وعراك

ومناهدة

ويمكن ضرب كفوف

ياحفيظ

حاتجن ياريت يا أخواننا

مارحتش لندن ولا باريز

ولا فيش ميت الف صعيدى

بتوع يابصيب هاجمين

ولافيش

ميت الف معوض داعس

جاى معاه صندوق ورنيش

والله كرهت القهوة

وحرمت أقعد ع الأفاريز

حاتجن ياريت يا أخواننا

مارحتش لندن ولا باريز

حاتجن ياريت ياخوانا

مارحتش لندن ولا باريز

دى بلاد تمدين

ونضافه وزوق ولطافه

وحاجه تغيظ

كلمأت الرأئع ~> بيرم التونسى

حاتجن ياريت يا أخواننا

مارحتش لندن ولا باريز

ولا واحد بيبيع حاجه

يقول بريال وتاخدها بصاغ

ياأخواننا دى حتى الابره

تاخدها بدوشه وقلب دماغ
تسلم الايادى هههههههههههههههههههه

يبقى انت اكيد فى مصر
ده من المظاهر الطبيعية فى مصر شوارع مليانه بولادى
ضوضاء باستمرار بدون فاصل

ما شاء الله شعر على ذوقك
الله يخليك لاهلك ويخليلك ياهم اميييييييييييييين

جن ياريت يا أخواننا

مارحتش لندن ولا باريز

ولا واحد بيبيع حاجه

يقول بريال وتاخدها بصاغ

ياأخواننا دى حتى الابره هههههههههههههههههههه

مشكور اخى الكريم على المعلومات المفيدة

وارجو ان تستمر فى هذا حتى نستفاد كلنا
راجيين الله ان يكون ذلك فى ميزان حسناتك

ههههههه كلمات رائعه رغم انها لا تخلو من الفكاهه الا انها ترمز الى واقع اليم و فرق في الخدمات منذ ذلك الوقت و حتى الان
تحياتي