نظرة عامة حول عمل طاجن بامية باللحمة

طاجن بامية باللحمة

المكوّنات


½ كيلو لحم بقري / عجالي / ضاني حسب الرغبة
½ كيلو بامية متوسطة
6 حبات طماطم معصورة
2 بصل مفروم
4 فصوص توم مفروم
2 فلفل رومي او حار مفروم
زبدة او سمنة
معلقة صغيرة سكر وملح وفلفل اسود

الخطوات

نسلق اللحم في بهارات ناشفة فقط (حبهان وقرفة وقرنفل وورق لورا وفلفل اسود حب) تلتين سلقة
صورة الخطوة 1 من وصفة طاجن بامية باللحمة

في حلة نسخن قطعة زبدة او سمنة وننزل بفصين توم مفرومين والبصل المفروم ونقلب لحد ما يبقى لونهم دهبي

ننزل بعصير الطماطم تقليبة وننزل بمعلقة السكر والبامية عليهم

5 دقايق ونضيف اللحم المسلوق ونقلب كويس ونسيبهم على نار متوسطة 20 دقيقة

نسخن الطاجن في الفرن ربع ساعة قبل التسوية ونحط البامية فالطاجن

نسخن معلقة سمنة وعليهم فصين توم مفرومين والفلفل المفروم ونص معلقة كسبرة ناشفة وننزل بيهم على وش البامية

ندخل الطاجن الفرن 10 دقايق على درجة حرارة 200 وبعدها 5 دقايق تحت الشواية
صورة الخطوة 7 من وصفة طاجن بامية باللحمة

نقدمها مع رز بشعرية او عيش

طريقه عمل الباميه باللحمه
المقادير
نصف ك لحمه كندوز مكعبات مسلوقه نصف سوي
نصف ك طماطم مفرومه بالخلاط ومصفيه من التفل
نصف ك باميه
بصله متوسطه مفرومه ناعم ٤ فصوص ثوم مفروم ناعم
ملعقه كبيره سمنه
ملعقه ملح صغيره ونصف ملعقه صغيره فلفل اسود و ملعقه كبيره كزبره جافه
٢ فلفل حامي ونصف ملعقه صغيره سكر
الطريقه
اولا نضع حله علي النار ثم نضع فيها السمنه و البصل المفروم ناعم ونقلبها حتي تذبل ثم نضع عليه الثوم ونقلبها حتي تظهر رائحه الثوم ثم نضع عليه الكزبره الجافه ونقلبها ثم نضع عليه الباميه ونشوحها مع البصل و الثوم المفروم ونضع عليها اللحمه ونضع عصير الطماطم ونقلبها ثم نضع عليه الملح. الفلفل الاسود والسكر وده علشان مذاذه الطماطم ونضع ٢ فلفل حامي ويكون طعم الصلصه حلو ونتركه حتي تنضج الباميه واللحمه وتتسبك مع بعض تظهر الماده الدهنيه علي الوجه ونذودها كوب شوربه ونتركه تكمل سوي ونقدم معها ارز ابيض وشويه سلطه بلدي حلوين علشان تكمل القيمه الغذائيه وبكده تكوني عملتي احلي باميه لاسرتك وعلي فكره الباميه حلوه للي بيعمل رجيم وبالهنا والشفا ملحوظه ممكن تضعي الباميه في طاجن وندخلها في الفرن علشان ئاخد لون وحلاوه الباميه تتأكل ثاني يوم بتبقي احلي اتشربت من صوص الطماطم وبالهنا والشفا