نظرة عامة حول قصة سيدنا يعقوب بشرى لكل مكروب

بسم الله الرحمن الرحيم (قَالَ بَلۡ سَوَّلَتۡ لَكُمۡ أَنفُسُكُمۡ أَمۡرٗاۖ فَصَبۡرٞ جَمِيلٌۖ عَسَى ٱللَّهُ أَن يَأۡتِيَنِي بِهِمۡ جَمِيعًاۚ إِنَّهُۥ هُوَ ٱلۡعَلِيمُ ٱلۡحَكِيمُ)

تعالوا نعمل زووم على اللحظة دى
سيدنا يعقوب اعز ابناءه يوسف بقاله سنين مش عارفه فين اراضيه طب يا ترى حى و لا ميت .
ولاده قايلينله كله الديب لكن هو مش مصدقهم.
يجوله ولاده من مصر يقولوله
ابنك الصغير الطفل اللى هو ربنا عوضك بيه عن يوسف محبوس فى مصر لانه سرق. مصر اللى بينك و بينها شهور سفر و ملكش حد تعرفه فيها خالص
(هو ميعرفش ان ليه فيها ابنه يوسف هو امين مخازن الارض هناك و اخوه اللى المفروض مسجون موجود تحت رعايته هناك و انه كام شهر و هيكون هناك فى مصر و يشوف ده بنفسه

المهم فى وسط كل الابتلائات دى مفقدش ثقته ولا ايمانه بربنا انه قادر يرجعله ابنه ده و كمان يوسف اللى غايب بقاله سنين و المفروض فى عداد الاموات

الاية اللى بعديها

(وَتَوَلَّىٰ عَنۡهُمۡ وَقَالَ يَٰٓأَسَفَىٰ عَلَىٰ يُوسُفَ وَٱبۡيَضَّتۡ عَيۡنَاهُ مِنَ ٱلۡحُزۡنِ فَهُوَ كَظِيمٞ)

لانه ميعرفش كل الكلام اللى ربنا مخبيهوله ده هو بالنسباله اعز ابنين ليه يوسف غايب بقاله سنين و المفروض ميت و ده مسجون فى بلد غريبه .حتى مع ثقته و ايمانه بالله لكن القصة صعبة جدا جدا على اب فاقد ولاده فمن كتر حزنه فقد بصره

يجى واحد دلوقتى عشان حاجتين تلاته فارغين يقولك انا احزن انسان فى العالم و انا رايح انتحر
رد عليه قوله شايفنى هيقولك ايوه قوله يبقى انت موصلتش لدرجة الحزن اللى وصل ليها سيدنا يعقوب يا فرفور
المهم قعد على حاله ده فترة كام شهر او يمكن سنة اذ فجأة تحصل الاية دى

(فَلَمَّآ أَن جَآءَ ٱلۡبَشِيرُ أَلۡقَىٰهُ عَلَىٰ وَجۡهِهِۦ فَٱرۡتَدَّ بَصِيرٗاۖ قَالَ أَلَمۡ أَقُل لَّكُمۡ إِنِّيٓ أَعۡلَمُ مِنَ ٱللَّهِ مَا لَا تَعۡلَمُونَ)

تخيل انت من كتر الحزن على ابنك اللى ضايع بقاله سنين حوالى عشرة خمستاشر سنة
و فقدت بصرك من كتر الحزن مره واحده قميصه يترمى على وجهك و تشم ريحته فيه فيرجعلك بصرك
المهم خدوه و راحوا مصر
و هختم بالاية الجميلة دى

(وَرَفَعَ أَبَوَيۡهِ عَلَى ٱلۡعَرۡشِ وَخَرُّواْ لَهُۥ سُجَّدٗاۖ وَقَالَ يَٰٓأَبَتِ هَٰذَا تَأۡوِيلُ رُءۡيَٰيَ مِن قَبۡلُ قَدۡ جَعَلَهَا رَبِّي حَقّٗاۖ وَقَدۡ أَحۡسَنَ بِيٓ إِذۡ أَخۡرَجَنِي مِنَ ٱلسِّجۡنِ وَجَآءَ بِكُم مِّنَ ٱلۡبَدۡوِ مِنۢ بَعۡدِ أَن نَّزَغَ ٱلشَّيۡطَٰنُ بَيۡنِي وَبَيۡنَ إِخۡوَتِيٓۚ إِنَّ رَبِّي لَطِيفٞ لِّمَا يَشَآءُۚ إِنَّهُۥ هُوَ ٱلۡعَلِيمُ ٱلۡحَكِيمُ)

دى ايات متفرقه من سورة يوسف
القصة كامله بالتفصيل فى سورة يوسف بيحكيها ارحم الراحمين
عشان يقول لكل من ضاقت عليه الدنيا اصبر انا مخبيلك حاجات حلوه كتير لو صبرت

انصحكم بشده تقروا السورة بتدبر او تسمعوها بصوت قارئ بتحبوه ارشحلكم العفاسى

من وجهة نظرى سورة يوسف من اجمل السور فى القران الكريم بتحكى عن قصة سيدنا يوسف و ازاى اخواته غدروا يه و رموه فى البير و ازاىابوه بر و هو صبر لغاية مربنا جزاهم خير الجزاء على صبرهم ده و ربنا نزل السورة دى عشان يقول للناس اللى ضاقت عليها الدنيا بما رحبت اصبروا و هجزيكم خير كبير على صبركم زى مجزيت يوسف و يعقوب
ربنا ارحم ال احمين لو حطك فى ضيقة مش عشان كارهك لا عشان يختبر صبرك و يشوف مدى ايمانك بيه ربنا يكتبنا من عبادة الصابرين الحامدين الشاكرين يا رب العالمين