مراجعة حول البطاقة العلاجية للمحامين الخاصة بنقابة المحامين

نقابة المحامين العرب من أعرق النقابات الموجودة فى مصر و من اكتر النقابات إلى بتقدم خدمات كتير مهمة و فعلاً محتاجها كل محامى بيربى أسرته و خاصة مع ظروف الحياة الصعبة ، و أن سوق المحاماة مش كله بيشتغل فيه
و بالتالى مش كل المحامين عندهم قدرة مالية أنهم يعالجوا نفسهم و أسرتهم فمن هنا جات فكرة البطاقة العلاجية للمحامين الخاصة بنقابة المحامين

المميزات

-البطاقة بتوفرلك مميزات جميلة و هى مبلغ مالى سنوى تقدر تسحب بيه ادوية من صيدليات متعاقدة معاها النقابة زى صيدلية عابدين
-المبلغ الثانوية يبلغ ثمانية آلاف جنية ٨الاف يعنى و دا مبلغ مش وحش و يمكن مش كل الناس بتستخدمه و دا خاص بالمحاميين و أسرهم و دى ميزة عظيمة
-فى حالة عدم وجود الأدوية إلى النقابة الخاصة بنقابة المحامين بتدعمها ضمن خططها .. ممكن تكتب فى الروشتة أو الفاتورة الخاصة بسحب الأدوية دول بنفس القيمة المالية و تروح الصيدلية استبدله بالدول الى انت عايزه و دى حاجة حلوة و محترمة
-بتدعم العمليات الكبرى و معالجة الأمراض للمحامين و اسىهم

العيوب

-لازم تروح نقابة المحامين و تطلع فاتورة من عندهم مختومة من أحد الموظفين هناك بالدوا الى انت عايزه و دا ممكن يتعب الناس الكبيرة فى السن
-نفا صلاحية الفاتورة بعد فترة صغيرة و دا عيب واضح و بتتخصم من قيمة المبلغ بتاعك الى هو ٨ آلاف جنية و دى حاجة مش حلوة


إجمالاً مجهود عظيم من نقابة المحاميين يذكروا عليه بكل تأكيد

اخي الفاضل تقبل تحياتي اولا اما ثانيا مهنه المحاماه من المهن اللي ممكن تطلعلك فوق او ميكونش ليها اي لازمه خالص وتكون اسما فقط لا غير ومشروع الكشف الطبي علي المحامين جاء من منطلق انه مش كل المحامين بيكونوا شغالين وعندهم دخل كويس عشان كدا الدوله حاولت انها توفر ليهم مشروع العلاج علي حساب التأمين مش بس ليهم لا كمان لاسرهم معاهم زي نظام التامين الشامل كدا رسوم الاشتراك بتكون مختلفه من المحامي المسجل بالمحاكم الابتدائيه وايضا محاكم الاستئناف وغيرها اما عن اشتراك الزوجة بمشروع العلاج يكون حسب درجة القيد، على أن يتم سداد 250 جنيها لزوجة المحامي الابتدائي و300 جنيه لزوجة المحامي الاستئناف، و350 جنيها لزوجة المحامي بالنقض ويضاف مبلغ 100 جنيه لزوجة المحامي الموظفة ويطلب منها صوره من التامينات بتاعتها مع شهايد ميلاد اولادها.تقبل تحياتي اخي الفاضل وبالتوفيق لك وللجميع

بسم الله الرحمن الرحيم
بالفعل اعلنت نقابة المحاماه في نهاية شهر ابريل الماضي ان النقابه قد اصدرت البطاقه العلاجيه للمحامين في ضوء الاهتمام بالمحامين واعطاؤهم كافة الحقوق المطلوبه من اجل الاستفاده ولأن مهنة المحاماه
هي واحده من اصعب المهن التي ممكن يمارسنا الانسان كما انها مهنه من الممكن ان تؤدي الي ارهاق صاحبها بشكل كبير جدا ولذلك تقوم النقابه بالاهتمام بالمحاماه واعطاء كل محامي حقه في الدوله
مثل القضاه والمستشارين حيث يتمتع هؤلاء الاشخاص بالعديد من المميزات الضخمه جدا والتي من خلالها يكون لهم مستشفيات علاجيه
ويكون لهم دعم علي العلاجات والادويه ومستشفيات خاصه بالاضافه الي الامتيازات في الرواتب وغيرها من الامور الاخري
واعلنت النقابه
ان الرسوم المطلوبه للتجديد في البطاقه العلاجيه هي 350 للمسجل الابتدائي وايضا اما المحامي في الاستئناف فيكون قيمة الاشتراك 400 جنيه
اما في الاشتراك في النقض وهو اعلي مراتب المحاماه فالشهاده قيمتها تصل الي 500 جنيه للفرد ايضا ويمكن ان تشترك زوجة المحامي ايضا
ولكن لها رسوم وحدها تصل الي 200 جنيه للشهاده ويجب تقديم صورة بطاقة الرقم القومي للحصول علي الشهاده ودفع الرسوم المطلوبه