مراجعة تصميم هاتف Huawei Nova 5T

مراجعة تصميم هاتف Huawei Nova 5T

التصميم :-

موبايل Huawei Nova 5T تصميمه شيك ومختلف وجديد الظهر عليه حروف كلمة نوفا متكررة في كل حته وكمان اللون بيتدرج من ازرق لموف.
ظهر الموبايل من الزجاج والفريم من المعدن الموبايل حجمه صغير و وزنه خفيف 174 جرام تستخدمه بكل سهولة بايد واحدة مفيش اي مشاكل ف مسكة الموبايل .
بروز الكاميرا الخلفية كبير والبروز ده بيتغطي بالجراب الشفاف الي جاي مع الموبايل ف العلبة .

الشاشة :-

شاشة موبايل Nova 5T اسوأ حاجة فيه شاشة من نوع IPS بحجم 6.26 بوصة بدقة FHD+ شاشة كاملة بدون نوتش وتم استخدام بانش هول او ثقب بالشاشة يتحط فيه الكاميرا السيلفي.
الحواف حوالين الشاشة كويسة جدا ومقبولة والشاشة نفسها حجمها قليل وملموم كدا في الايد وصباعك هيوصل لاركان الشاشة بكل سهولة وانت ماسك الموبايل بايد واحدة .

الاداء :-

الهاتف يأتي بمعالج كيرن 980 الرائد من هواوي بتقنية تصنيع 7 نانو ميتر والمعالج ده هيديلك اداء ممتاز في الاستخدام اليومي وفتح البرامج والتطبيقات وكمان معاك 8 جيجا رام هيديلك سماحية فتح برامج كتير في الخلفية .
الموبايل كامل خدمات جوجل شغاله عليه لانه بالفعل واخد الترخيص وبيوصله تحديثات امنية بدون اي مشاكل .
البصمة مدمجة بزرار الباور مش لازم تدوس لمسة بس كدا الموبايل هيفتح والبصمة سريعة جدا والمكان ده انا شايفة عملي اوي .
والموبايل كمان فيه فيس ان لوك بيتعرف على الوجه بسرعة جدا .
الموبايل موجود فيه لمبة اشعارات نورها ضعيف وبتنور باكتر من لون .
الموبايل فيه عمل نسختين من برامج التواصل الاجتماعي .
المستشعرات كلها موجودة وحقيقية في الموبايل ده اولهم مستشعر التقارب الي موجود ف الحافة العلوية للموبايل والي بيقفل الشاشة ع ودنك وانت بتعمل مكالمة وكمان مستشعر الضوء موجود حقيقي والموبايل بيدعم الجيروسكوب بدون اي مشاكل .
صوت الموبايل جاي من سماعة واحدة تحت على اليمين صوتها عالي ومجسم وصوت سماعات المكالمات عالي ممتاز .

السلام عليكم ورحمه الله وبركاته الاخوه والاخوات تحيه طيبه وبعد يعد هاتف هواوى نوفا 5 T من الهواتف الجميله جدا التى اطلقتها شركة هواوي فى الفتره الاخيره حيث يتميز الهاتف حيث يأتى بالعديد من المميزات وياتى مع مواصفات وإمكانيات جيده منها مثلا الاداء فالهانف من ناحيه الاداء يقدم اداء ممتاز جدا وده لانه بيجى مع معالج قوى وجيد جدا وهو معالج ثماني النواة من صناعه شركة هواوي وهو ال HiSilicon Kirin 980 الذى ياتى مع تكنولوجيا 7 نانو ميتر ويأتى الهاتف مع ذاكره تخزينية بحجم 128 جيجا ويأتى مع ذاكرة عشوائيه بحجم 8 جيجا رام والكاميرا الخلفية للهاتف تأتى رباعية بدقة 48+16+2+2 ميجا بيكسل اما عن الكاميرا الامامية فهى تأتى بدقة 32 ميجابيكسل وياتى الهاتف مع بصمه اصبع مدمجه فى زرار الباور والشاشة تأتى بحجم 6.26 بوصة بدقة FHD+ اما عن التصميم فالهاتف ياتى مع تصميم من الزجاج ااذى يعطى منظر ممتاز جدا للهاتف وياتى الهاتف مع نظام التشغيل اندرويد 9.0 والبطارية حجمها حوالى 3750 مللي أمبير.
اما مميزات الهاتف فهى
_ يدعم الهاتف تصوير الفيديوهات بجودة الـ 4K
_ الهاتف يقدم أداء ممتازالثقيلة بسبب استخدام المعالج الرائد كيرن 980 من هواوي
_ اداء للكاميرات ممتاز جدا
_ البطارية تقدم أداء جيد
تقبلوا تحياتي أعضاء وزوار منتدى فوركس وبالتوفيق للجميع