الخوف

ما تتعلم التحليل هتقابلك مشكلة الخوف لازم تتغلب عليها خايف من ايه حدد انت بتخاف من ايه
اكتر حاجة الاول عشان تعرف تعالجها بانك تجرب متخافش منها مرة و التانية و التالتة هتتعود متخافش انت
بس لسه مجربتش انك متخافش كل الي بتعمله انك بتخاف جرب متخافش مرة و اتنين و 10 زي ما بتجرب استراتيجية
على فترات مختلفة بتفشل احيانا و بتنجح احيانا لحد ما بتعرف هي بتنجح امتا و بتحترفها الخوف برضو هتفشل
اكيد في كذا مرة تحاول ما تخافش فيها و تقول يارتني خوفت و طلعت كسبان بس المكسب الحقيقي مش
الفلوس الي هتكسبها وانت خايف بالعكس الفلوس الي هتكسبها من غير خوف هي المكسب الحقيقي بتخاف تدخل
صفقة عشان متخسرش عمرك ما هتكسب لو مدخلتش صفقة بتخاف تسيب الصفقة و بتقفلها بسرعة عشان
الارباح هتقل او هتروح وانت متوقع انها هتجيب اكتر عمرك ما هتكسب كتير و هتفضل بتكسب قليل و تتفرج على
الربح الي كان هيجيلك وضاع منك بسبب عدم صبرك بتخاف تسيب الصفقة تضرب ستوب او ما بتحطش ستوب
عشان بتخاف منه هتتمرجن وعمرك ما هتستمر في السوق دي كانت ابرز الحاجات الي كنت بخاف منها وبدات اعالجها
من فترة طويلة وفي تقدم الحمدلله اهتم بالنفسية سواء كانت خوف او ضغط عصبي وقت التدوال لازم تحاول تعالج
الموضوع لانه مهم جدا ممكن يكون اهم من التحليل لانه نفسيتك بتأثر على التحليل و على طريقة التنفيذ
و على التداول عموما