الوسطاء المالين

الوسطاء الماليين اما بيكونوا عبارة عن وسيط بينك وبين الجهة المختصة بالعمليات المالية واللي بيمثلها البنك او بيكونوا وسيط بينك وبينهم هما نفسهم وفي الحالتين الوسيط بيتقاضى عمولة نظير تنفيذ الصفقة ليك لكن في النوع الاول بيكون الوسيط مش مستفاد حاجة من وضع الصفقة او من راس مالك فكل ربحه بيعتمد على العمولة اما النوع التاني بيكون مستفيد جدا في حالة خسارتك وبالعكس ربحك بيضره احيانا خصوصا لو راس مالك كبير وعلشان كده اغلب الشركات النصابة بتكون من النوع التاني وللاسف النوع ده هو المسيطر والمنتشر اكتر في سوق الفوركس وغالبا الشركات بتكون من النوع ده وبنشوف بشكل واضح وصريح تغيير في حركة السعر وتعطيل بعد الاوامر والغاء سحوبات مال وتجميد راس المال وما الي اخره وبالتالي هما كتصنيف يصنفوا الاسوء على الاطلاق وماينصحش ان حد يتعامل معاهم ابدا حفاظا على راس ماله.