الشارت بيننا

الحلقة السادسة :هتقوللي يعني انت مش مقتنع بالاستوب لوز طيب ايه رايك لما تعمل 10 صفقات تخسر 5 وتكسب 5 على اساس انت بتجعل الاستوب لوز 50 نقطة والهدف 100 نقطة فتخسر 250 نقطة في الخمس صفقات وتكسب في المقابل 500 نقطة يعني 250 نقطة فرق
اقولك انت جربت اللي انت قلته ده أم فقط افترضته ومتهيالك انه هيحصل ؟؟ انا أجاوبك انت عمرك ما عملت كده وان عملته النتيجة مش هتكون كده .. وانا هقولك هتكون ازاي والمثل بيقول اسأل مجرب
بالنسبة لصفقات الخسارة فدول مضمونين .. خسرانهم خسرانهم.. أما صفقات الربح تعالي نشوف هتعمل فيها ايه
كلهم على الاطلاق ستجد ان السعر لا يصل فيها الى الخمسين نقطة وينعكس .. ان صبرت لن تأخذ ال50 نقطة وقد ينقصوا بل قد يتحول المكسب الى خسارة فتسرع غصب عنك لغلق الصفقة ولو حتى على 50 نقطة .. واخرى تغلقها على 40 نقطة واخرى تياس منها فتغلقها على 20 ثم هناك واحدة قد تفلت فتاتي بالمائة نقطة المحصلة ان المكسب قد يكون قدر الخسارة .. هل هذا الفرض لم يصل الى مخيلتك ومع ذلك تقوم مبسوط من عملك .. نعم انك لم تكسب ولكنك كذلك لم تخسر .. فاي فائدة قدمتها لك هذه الاستراتيجية ؟؟ .. لا تقوللي ما انت اللي مش بتصبر حتى تحقق الربح 100 نقطة من كل صفقة .. أقولك لو انت مكاني وفكرت بعقلانية وخفت ان ينعكس عليك السعر فيفقدك ما ربحته لأسرعت بغلق الصفقة على ماربحته وتكون في منتهي السعادة انك خرجت من السوق دون ان تجرح مش كده والا ايه ؟؟