الخواجي دقس

كنت بفكر ؟! ياربي بعد البوكوفون F1 حجيب شنو ؟!

بالنسبة لي كان البوكوفون Pocophone F1 هو الخواجه دقس للعام 2018 وبتذكر اني اشتريت من اكسترا السعودية اخر جهاز في الوقت داك نسخة ال 6/128 قيقا

الجهاز لمن وصلني كنت كل يوم بفتح الجهاز بتفرج وبشوف واراجع واجرب وارجعو تاني الدولاب (حب شديد)

مع نهاية 2019 حاليا قررت اني احب جهاز جديد (حال العزابه يااخوانا )

وطبعا كعادة بديت اختار حسب التلفونات الفي راسي وبالمعايير البختار بيها ولازم يكون فعلا الخواجه دقس والحب الجديد بسعر فارق كتير من الفلاجشيب وبأداء وتجربة قريبة جدا من هواتف ال 1000 و 900 دولار والخ

طبعا بديت ابحث واجرب واقارن ومراجعات وتجربة مستخدمين والخ

واخيييرا بعد تمحيص وتجارب ومقارنات كتيرة تفصيلية وتحقيق مبدأ قيمة مقابل افضل سعر كان بالنسبة لي

الخوووواجه دقس 2019 هووو

موسيقي قووووية

تتترررررررا تتتتتتتترااااااااا

توصلت لانه هااااااااااااتف

شااااومي Mi 9t Pro او ال K20 Pro النسخة الاسيوية
هو فعلا قاتل الفلاجشيب للعام 2019
في ناس كتير بتسألني لي انت بتفضل Flagships Killers قاتلي الفلاجشيب

حقول راي وكمان حقول ليكم لي اخترت Mi9t Pro تحديدا وانتوا قولوا رايكم بعداك

وكل الحب والاحترام والتقدير لكم جميعا⁦

شيل قلبي يا Mi 9T Pro