السوق الغريب ⁦

تلفون طلع ليه فترة ومافي زول كان شغال بيه عشان كل المحلات ماكان بتبيعه وحتي الببيع التلفون كان مستورده بطريقته الخاصة

في السوق الغريب الشركات الموردة والمحلات هي البتختار للمستهلك بناءا علي البيع والنسب والتجارة

في الاسواق التانية المستهلك هو البتحكم في السوق بناءا علي حوجته في التلفون ورغبته واسم وسمعة الشركة وخدمات ما بعد البيع

وده بكون بمساعدة المراجعين والخ

الشركات بتواجه تحديات انها تقنع الزبون والمستهلك عشان تقول ليه ده الافضل

فبتوظف ناس في السوق قدام المحلات مهمتهم انهم يقنعوك بمنتج الشركة وديل ال Promoters

ده تحدي صعب بالنسبة للشركات بدلالة انها بتوظف وتدفع قروش

وعي المستهلك والمستخدم بخلق نوع من التنافس بين الشركات في انها توفر رغبات وحوجة المستهلك بأقل الاسعار وتحقق مبدأ افضل قيمة مقابل افضل سعر طبعا الا في السوق الغريب

في السوق الغريب حاليا ظهور مفاجئ لهاتف هواوي ال P30 Lite وتوفر في السوق بكثرة وحيكون اكتر في الفترة الجايه عند المحلات

سعر الهاتف بين 19500 الي 19900 جنية سوداني

السؤال هل اذا كان في شركات منافسة في السوق

وفي مراجعين تقنيين متخصصين موش اي كلام وخلاص

كان حيكون السعر من الوكيل بنفس الاسعار المطروحة حاليا ⁦؟!⁩

اليد الواحدة ما بتصفق طبعا

عموما اتمني دخول شركات منافسة في سوق السودان

وكمان مراجعين محترمين ومتخصصين يغيروا اساسيات اللعبة والطريقة الحالية

عشان مايكون في ظلم للمستهلك والمستخدم السوداني

زبون ومستهلك الاونلاين بفرق كتير جدا عن زبون ومستهلك سوق الاوف لاين ، طبعا ده المؤثر حاليا في مبيعات الشركات الموجودة هنا ومخليها تتحكم في اللعبة بصورة كبيرة

بعيدا عن راي في التسعير الحالي حتكلم عن عيوب ومييزات الهاتف

لكن خلونا نقول مبدئيا البلد المافيها تمساح يقدل فيها الورل

كلام عن ال P30 Lite في الطريق

وطبعا انا ماعنديش يما ارحميني في المراجعات والاسعار ⁦

بقول الفي مصلحة المستخدم والمستهلك والزبون فقط

والسلام عليكم ورحمة الله تعالي وبركاته