كترت الاسئلة عنهم ⁦؟!طيب

كمية من الهواتف حتكون متوفرة في الفترة الجاية في السوق ، ممكن تكون محتار و ما عارف تشتري شنو بالضبط ؟!

نحن حنساعدك ان شاء الله

خلوني اقول انه في 2019 كان سوق الهواتف عامر جدا بمجموعة كبيرة من الهواتف في جميع الفئات لكن في الاخير انحصر التنافس علي مجموعة هواتف معينة الافضلية ليها الي حد كبير من حيث المواصفات وافضل قيمة مقدمة مقابل السعر

وزي ما في قائمة بأفضل الهواتف من حيث المواصفات وافضل قيمة مقابل السعر

كمان في هواتف قدمت اقل قيمة مقابل السعر ، حتكلم عن 2 سريعا

بالنسبة لي

من سامسونج هاتف A30s في الفئة السعرية دي صعب انه اصلا يدخل ينافس ويادوبك يكون خيار لشخص غير محظوظ ، شاشة سيئة ومعالج الاضعف في الفئة

من هواوي ال P30 لايت الاصدار الجديد ، تلفون اتولد لحل ازمة وزيادة مبيعات ال New Edition الاصدار الجديد ، بالنسبة لي ماقدم شي جديد منافس لبقية الهواتف من نفس الفئة صراحة محتاج تفكر الف مرة وانت/ي بتشتري تلفون كيرن 710F او 710 بمبلغ اكتر من 18 الف

التلفونات دي ما مواصفات علي الورق فقط ،، في عوامل كتيرة بتدخل في اختيار الهاتف وطبعا الشركات بتلعب علي تركات كتيرة جدا

هنا بجي دور المراجع او الشخص المتخصص والممكن يكون فاهم في المجال ويساعدك في تكوين رايك واختيار المناسب ليك ويقدر يحدد حسب تجربته اللافضل والمميزات والعيوب والجهاز البستاهل انك تدفع فيه المبلغ المحدد من الشركة والبديك افضل قيمة مقابل افضل سعر والخيار في الاخير بكون متروك ليك

ممكن نختلف ححترم رايك جدا

بس بالنسبة لي ال P30 لايت ، A30s , وكمان زي ما قلت سابقا ال Y9 Prime 2019 من قائمة الهواتف في 2019 القدمت اقل قيمة مقابل السعر

وكل الحب والاحترام والتقدير لكم جميعا⁦