اذا قلت لواحد/ة فيكم

تخيل كدة اني اطلع الموبايل وافتح الكاميرا تجاه الوجه

وفجأة تظهر كل بياناتك اسمك ، عمرك ، عنوانك ، حالتك الاجتماعية ، وكمان حسابك علي الفيسبوك

انت شارب شنو ⁦؟!

في الحقيقة ما انا الشارب نحن الكلنا شاربين مقلب كبير جدا

تقرير جديد كشف انه فيسبوك في العام 2015 - 2016 عمل تطبيق سري كان مستخدم من بعض المهندسين والموظفين التابعين للشركة علشان يجربوا علي بعض وكمان علي بعض الاصدقاء والمعارف من خارج الشركة

التطبيق السري بعتمد علي الحسابات البتسمح للفيسبوك انه ياخد بصمة وشهم (الوجه)

يعني تقدر تقول انه التطبيق بحتوي علي قواعد بيانات لبعض حسابات الفيسبوك

البحصل انه اول ما مستخدم التطبيق يفتح الكاميرا من موبايله ويقوم بالتوجيه علي وشك بتم مقارنة بصمة وشك مع الداتا الفي التطبيق وبعدها في حالة التطابق التطبيق بظهر كل بيانات الشخص مع رابط حسابه وصورة البروفايل علي الفيسبوك

فيسبوك اعترف وقال فعلا التطبيق ده كان مابين 2015 و 2016 وتم ايقافه وحاول يبرر في رد رسمي

وكان من ضمن التبريرات انه كان بجرب في ميزة انك لمن تتلقي ليك صورة نازلة من حساب تاني الفيسبوك يقدر يعرف ويحدد ويعمل ليك تاق

بس طبعا ما قال للناس انه علاقة انه يكون في تطبيق عبر توجيه كاميرا الموبايل يقدر يديك كل بيانات الشخص كاملة وصورته وحسابه علي الفيس

الموضوع عامل قلق كبير شديد حاليا والصحافة لاعبة ضاغط خصوصا انه تم اكتشاف انه مارك كان في عشاء سري مع ترامب قبل فترة



واستخدام الفيسبوك وقصف جبهة مدير تويتر لمارك والانتخابات الامريكية

وكل الحب والاحترام والتقدير لكم جميعا⁦