الفرق بين المرأه السورية والاردنية

الفرق بين الزوجة الاردنية والسورية





إذا وقع زوجها عن الدرج


السورية: ولي ع قلبي سلامتك حبيبي انشالله انا ولا انتا ابن عمي (ميتة خوف عليه)


الأردنية: شو مالك دخت؟ الله ما برمي الناس بحجار .. خطيتي الله لا يردك
(بتستناه يموت عشان تورث!)






اذا الزوج بدو يسافر


السورية: انتبه لحالك ابن عمي ، جهزتلك الشنطة ،
وكتر خيرك ع الاغراض اللي اشتريتها بيكفونا سنة لقدام حبيبي
الله لا يحرمنا من دخلتك علينا ،
تروح وترجع بالف سلامة يا عمري


الأردنية: اسبوع مبوزة قبل السفر وكل شوي دموع
ومتى بدك تروح؟ومع مين بدك تطلع هناك ؟
مش تتطلع ع البنات!!!! إحلف انك مش رايح تروح ع أماكن فيها بنات!
ما تتأخر بلاش ينقصنا إشي وانت مسافر وكل يوم بتتصل بالتلفون عشان تشوف وينك وتحكيلك انه الولد سخن ،
وبنتك بدها تموت كل المصايب بتقلك اياها بتلاحقك فيها وين ما تروح (هوايتها نكد )






اذا الزوج تأخر بره في شغل او مع صديق



السورية: شو ابن عمي! غلي ألبي عليك
تؤبشني يا حبي وكتير شغلتلي بالي
يؤبرني ما تتأخر عليي كتير مرة تانية عشان بشتائلك انا (يؤبرني دلع الشام )


الأردنية: شرفت!!وين كاين؟
مهو انا كاينة حيوانه في الدار طول نهاري أكنس وامسح
مع مين من صحابك الهمل كاين تتصرمح؟
ايش جبتلنا معك ؟ولا جاي إيد ورا وإيد قدام كويس عرفت الك دار وروحت (لا تعليق )






اذا طلبت شي منه


السورية: ابن عمي تؤبشني تؤبر ألبي ( كل حكيها تؤبرني )
حبيب ألبي فيك تجيبلنا شي حلو من دياتك الحلوة وعلى زوئك
يااي شو بعشق زوئك انا حياتي


الأردنية: إغلط مرة وجيبلك شغلة حلوة معك بقلاوة ولا كنافة
بدي أحلي تمي إللي مرر من هالعيشة إللي بتقرف (هاي طخها حلال)







اذا جابلها هدية


السورية: يسلملي إياك ابن عمي حبيب ألبي ،
يااااااي شو بتجنن عنجد عنجد زوئك بيعئد
تؤبشني بتجننننننن
الله لا يحرمني منك يا عمري


الاردنية: والله غاب وجاب،وياما جاب الغراب لإمه
من وين جايبها وقديش حقها هاي
الله يقطع هيك زوق مش لو جبتلك طبخة للدار أحسن (حسبي الله)







اذا بدك شي منها


السورية: من عيوني ابن عمي لك تؤبرررني
أأمر ابن عمي ولووو غالي والطلب رخيص ،
دخيلو انا شو بحبووو على راسي حبيب ألبي


الأردنية: مهو حرام نستريح شوي ،
لازم حياتي تظل تعب ونكد هو فش غيرك بالدار؟
مش فاضية ولا أقلك اطلع من الدار حل عني روح شوفلك شغلة سويها ،
فقعت مرارتي من شغل البيت اففففف اففففف( ربنا ع المفتري)









اذا حكالها بدك شي وهو طالع


السورية: تسلملي حبيب ألبي
ابن عمي ما بدي غير سلامتك
والله انت مكفيني من كل شي مو نائصني شي
تسلملي يا حيااتي انت
بس حبيب ألبي ما تتأخر عليّ لإني كتير بشتألك
ابن عمي بدك اعملك شي لمن ترجع؟


الأردنية: لأأأأ (مع تبويزه ) طولها شبرين بديش إشي
وين بدك تروح؟ ومع مين بدك تقعد؟
انشالله بتطول وبتخليني لحالي زي الهبلة
ولا أحكيلك جيب معك حفاظات للولد وانت جاي.