نظرة عامة حول عمل قراقيش لفطار الصبح

قراقيش لفطار الصبح

عملت القراقيش باللبن إللى بيطلع من السمن البلدى إللى فى وصفتى سمنه بلدى من وش اللبن
المكوّنات

12 كوب دقيق أو حوالى 2كيلو دقيق
3 كوب سمنه بلدى او 2كوب زيت وواحدة سمنه بلدى
رشة فانيليا
رشة ملح خفيفه
1 و1/4 كوب لبن او حسب ما تلم العجينة معايا
خميرة بيرة بحجم ليمونه
ملعقة شاى بيكنج بيكنج بودر
ممكن سمسم محمص اختيارى

الخطوات

نخلط المكونات الجافه مع بعض (الدقييق / الملح / الفانيليا / البيكنج بودر) وبعدين ننزل بالسائل إللى عندى سواء زيت او سمنة و ابتدى افرك كويس

وبعد ما يتبث مع بعضه كويس ادفى اللبن حبه و ابتدى العجن كويس لحد ما تتكلم معايا عجينه كويسة مش تقيله ولا خفيفه واتركها ١٠ دقايق ترتاح

وبعدين أشكل الكميه كلها مرة واحدة فى السجات

واسويها فى فرن متوسط الحرارة