نظرة عامة حول عمل وراك واجنحه كنتاكي

نظرة عامة حول عمل وراك واجنحه كنتاكي

المكوّنات

1/2 كيلو وراك ونص كيلو اجنحه
مكونات النقع
كوب ونص لبن
علبه صغيره زبادي
ملح فلفل اسود
1/2 كوب خل
مكونات تتبيله قبل التحمير
2 كوب دقيق
ملعقه كركم
ملعقه توم بودر وملعقه بصل بودر
بابريكا
كاري
فلفل اسود وملح
كورن فليكس مطحون نص طحنه
ملعقتين فيجتار حار

الخطوات

ربنا الأول بالسكين نخرم في الوراك والاجنحه عشان تتشرب المكونات ويستوي من جوه نخلط كل مكونات النقع وننزل فيه الوراك والاجنحه اللبن والخل والزبادي هيخليهم يطرو ويسهل تحميرهم يتنقعو ساعتين على الاقل

هنجهز مكونات التتبيله هنخلط كل المكونات ونقلبهم كويس وننزل بالوراك والاجنحه واحده واحده ونسخن الزيت في حله عشان يستوي كويس ونغطي نص غطا عشان تستوي بسرعه

الأول نعلي الزيت وبعدين نوطي النار عشان الزيت ميتحرقش ويستوي


نطلعم على ورق زبده او مناديل ومش هيكونوا شربو زيت تقريبا عشان الخل بيعمل عازل