مراجعه حول السياحة فى القاهرة واماكن الخروج3

السلام عليكم
وتكملة لباقى السلسلة واماكن الخروج بالقاهرة
اتكلمنا عن المتاحف واتكلمنا عن الخروجات النيلية بالباخرة والمراكب
اليوم هتكلم عن خروجة غير مكلفة واحلى خروجة الحقيقة بالنسبالى
انك تتمشى!
افضل اماكن تقدر تتمشى فيها وممكن تتصور للذكرى سواء بموبايلك او صور فوتوغرافية ممكن تاكل حمص الشام غزل البنات فشار وحجات كتير هتلاقيها طول منتا بتتمشى فى شوارع القاهرة ومصر المحروسة
ومن اهم الشوارع اللى ممكن نخرج فيها ونتبسط
1كوبرى قصر النيل: خروجة جميلة خصوصا بالليل وهتقدر تشوف النيل وتشوف 4 اسد مصنوع من البرونز على جوانب الكوبرى مكان الكوبرى مقابل لاتجاهه التحرير بيوصل بين القاهرة والجيزة واتبنى عام 1869 وممكن تركب مراكب ايضا نيلية
2شارع المعز :الحقيقة دة من افضل الاماكن اللى بحب اروحها وبيفكرنى بخان الخليلى والاماكن الاثرية والبيوت اللى شكلها جميل وتراث
شارع المعز فى كمان مقاهى ورسم حنة وتصوير وملابس بتتلبس فى التصوير وممكن شراء اكسسورات فرعونية المكان بمنطقة الازهر وسط حى القاهرة
3كوبرى عباس :كوبرى معروف بالجيزة وقريب من شارع ال عزيز ابو السعود وبعد انتهاء الكوبرى هنلاقى محال تجارية ومطاعم وحدائق جميلة