مراجعه حول مباراة ريال مدريد الصعبه امام فياريال غدا

اخيرا مع نهاية فترة التوقف الدولى اللى طبعا مليانه بالملل وقلة المتابعه وعدد المشاهدات بتعود مره تانيه الدوريات
للنور وخصوصا الدورى الاسبانى اللى واضح الموسم ده لحد دلوقتى الصراع فيه شرس ما بين اكتر من فريق على
عكس الشائع ان دايما المنافسه بتكون محصوره ما بين ريال مدريد وبرشلونه واحيانا اتلتيكو مدريد لكن حاليا شايفين
فى الصداره فرق زى ريال سوسيداد واتلتيكو مدريد اللى يعتبر اقل فريق فقد نقاط كذلك غرناطه

لكن حتى وان كان الأمر كذلك فالموضوع يعود لضعف ريال مدريد وبرشلونه فى الفتره الحاليه واعتقد ان الليجا فى
النهايه هتكون من نصيب ريال مدريد لكنها هتكون ليجا صعبه جدا واقرب شئ مبارة الغد ما بين ريال مدريد وفياريال
اللى بالمناسبه بيحتل المركز التانى

ريال مدريد تقريبا بيلعب بدون دفاع, اصابة راموس فى فترة التوقف الدولى وانباء غير مؤكده عن تعافى او استعداد
ميليتاو للمشاركه بعد تعافيه من فيروس كورونا, استمرار اصابة كارفخال واودريوزولا بالاضافه لناتشو ومارسيلو
غير كل ده اصابات بالجمله فى منتصف الملعب والهجوم لذلك فريال مدريد قدام تحدى صعب نسبيا لتحسين الأوضاع
وعلى زيدان انه يجمع فرق من 11 لاعب باى شكل على اساس انه يقدر يدخل المباراه ويكسب كمان لأن الوضع
فى الجدول بالنسبه لريال مدريد لا يحتمل اى تعثر او اى معادله تانيه غير الفوز