مراجعة حول مسلسل prison break - الجزء الاول

بسم الله الرحمن الرحيم اخوانى الكرام في هذا المنتدى الرائع أهلا وسهلا بكم

كلنا سمعنا عن مين هو افضل مسلسل فى تاريخ السينما ، و فى ناس بتقول prison break هو افضل مسلسل اتعمل فى تاريخ السينما ، فحبيت القى الضوء قليلا عليه
بما انى خلصت الجزء الاول ... قبل ما أبدأ يا ريت إلى مشافش المسلسل ما يشوفش المراجعة دى لانى هحرق بعض الأحداث فيها

مبدئيا قصة المسلسل أن فى شخص اتسجن ظلم و اتحكم عليه بالاعدام لقتل شقيق نائب رئيس الولايات المتحدة الأمريكية ، و لفقت له التهمة رغم أنه ما ممتش اصلا
فالشخص دا ليه اخ مهندس عبقرى حس بالظلم ناحية اخوه و جهز خطة يهرب بيها اخوه من السجن و اضطر يرتكب جريمة و يروح يقعد مع أخوه فى السجن عشان يهربه

و دا ملخص سريع لبداية القصة و تعالى نقول مميزات و عيوب الجزء الاول فيها

• اولا المميزات

:


- بصراحة الموسم الاول دا ملئ بالإثارة و المتعة من اول حلقة و هو بيدخلك فى اامود و تحس بارتفاع الادرينالين عندك و انت بتتفرج
- اهم حاجة عجبتنى هى طريقة تفكير مايكل لخطة الهروب و الاعداد المتقن لها و التفكير خارج الصندوق لعمل خطة هروب يتمكن من إنقاذ اخوه من الاعدام
- شخصيات المسلسل رائعة جدا و كل شخصية تحسسك بواقعيتها و أهمية دورها بالذات شخصيات الشر و خاصة جون ابروزى إلى كل ما يتضايق من حد يموته

• ثانياً العيوب

:
- المسلسل ملئ بلقطات صعبة فيها دماء و قتل و عنف انا شخصياً مقدرتش اتفرج عليها و قلبت الصورة سريعا
- حلقات المسلسل كثيرة جدا بالنسبة للجزء الأول حيث يحتوى على ٢٢ حلقة و لو انت محب للمسلسلات زيى هتجد صعوبة انك تخليهم فى يوم واحد
- المسلسل غير مناسب للأسرة و غير مناسب للاطفال
- عدم واقعية مدير السجن حيث أن شخصيته ضعيفة جدا مقارنة لمدراء السجن الحقيقين


و تقيميى للجزء الاول من المسلسل هو 9.5/10
للأمانة رغم بعض العيوب لكن مسلسل رائع جدا جدا و انصح بمشاهدته


بالتوفيق للجميع يارب العالمين



مركز الخليج