مراجعة تصميم هاتف Infinix S5

مراجعة تصميم هاتف Infinix S5

التصميم :-

التصميم بولي كربونيت بنقشة جديدة وشيك بخطوط مايلة في الظهر بطول الموبايل كله وكمان في تغير في درجة لون ظهر الموبايل من فوق لتحت ويوجد جراب شفاف جاي مع الموبايل لتغطية البروز الخفيف الموجود في الكاميرا الخلفية .
الموبايل وزنه خفيف 178 جرام وتخانة 8 ملي ومكسته ف الايد كويسة جدا.

الشاشة :-

شاشة Infinix S5 كاملة 6.6 بوصة بدقة HD+ مفيش نوتش وسطوع الشاشة ليس جيد وتحت الشمس القوية ممكن متعرفش تشوف الشاشة كويس خصوصا لو متركب عليها سكرينة .
الحواف كويسة جدا فيما عدا الحافة السفلية الي كبيرة قليلا .
الشاشة بدقة اتش دي بلس.

الاداء :-

المعالج من النوع الميدياتيك P22 وهو ثماني النواة تكنولوجيا 12 نانو.
يوجد مستشعر بصمة خلفية حجمه كبير علشان تتجنب الخطأ خالص والمستشعر هنا كمان سريع وبيفتح الموبايل بسرعة مقبولة .
والفيس ان لوك أيضا سريع.
بالنسبة للمسشتعرات لايوجد حساس ضوء لازم تظبط سطوع الشاشة بايديك.
باقي المستشعرات زي الجيروسكوب و التقارب موجودين وشغالين بكفاءة .
الموبايل مفيهوش لمبة اشعارات بس ممكن تستخدم خاصية الضغط ع الشاشة مرتين علشان تفتح وتشوف الاشعارات الي جاتلك .
صوت موبايل Infinix S5 جاي من سماعة واحدة تحت على الشمال وصوت الاسبيكر عالي ومسموع .
صوت سماعات المكالمات عالي وممتاز وصوت سماعات الاذن كويس بردو مفيهوش مشاكل .
بالنسبة لشبكة الموبايل فهي متوسطة.

البطارية :-

موبايل Infinix S5 جاي ببطارية انفنكس المعتاده 4000 مللي أمبير.