مراجعة تصميم هاتف Alcatel 3x

مراجعة تصميم هاتف Alcatel 3x

التصميم :-

تصميم الظهر من الزجاج والفريم من البلاستيك وعليه طبقة طلاء وطلاء الظهر بلون ثابت مش بيتغير مع الانعكاسات عليه والموبايل وزنه مقبول 178 جرام وتخانته متوسطه حوالي 8.4 ملم وحجمه في الايد متوسط مش كبير اوي ومش صغير اوي.
بروز الكاميرا صغير مش كبير والموبايل كمان جاي معاه جراب شفاف في العلبة بيغطي البروز ده .

الشاشة :-

شاشة الموبايل 6.52 بوصة من نوع IPS بدقة FHD+ والوان الشاشة مقبولة مش أحسن حاجة ولا أوحش حاجة والسطوع بتاع الشاشة مقبول تحت أشعة الشمس .
الشاشة فيها نوتش صغير محطوط فيه السيلفي ممكن تلغي النوتش من اعدادات الموبايل .
وبالنسبة للحواف حوالين الشاشة فهي بصراحة كبيرة يعني كان ممكن استغلال واجهة الموبايل احسن من كدا .

الاداء :-

الموبايل بمعالج ميدياتيك P23 معالج ثماني النواة تكنولوجيا 16 نانو والمعالج ده ادائه مش وحش خالص واحسن بكتير من P22 الموجود في اكتر من موبايل منافس .
اداء موبايل Alcatel 3x 2019 في الاستخدام العادي من برامج و سوشيال ومكالمات كويس جدا مفيش اي تهنيجات حصلت والواجهة خفيفة ومشاكلها قليلة وكمان معاك 6 جيجا رام بتديلك سماحية كبيرة لفتح تطبيقات كتير في الخلفية وبيبقا عندك سلاسة في التنقل ما بينهم .
موبايل Alcatel 3x 2019 فيه بصمة خلفية كويسة جدا مش صاروخية يعني بس كوسية وممكن تعمل اختصارات بمستشعر البصمة كتير وحلوة جدا زي انك تحدد صباع معين اول ما تلمس البصمة بيه الموبايل مثلا يبدأ في تسجيل الصوت وخلافه .
وبردة فيه فيس ان لوك بس مش سريع بياخد ثانية كدا ع ما يتعرف ع وشك ويفتح .
الموبايل فيه كل المستشعرات موجودة وحقيقية وشغالة زي مستشعر الضوء والتقارب والجيروسكوب والموبايل بيدعم تشغيل الراديو .
صوت الموبايل جاي من سماعة واحدة تحت ع اليمين التانية ديه بتشتغل كمايك .
صوت سماعات المكالمات عالي وممتاز وصوت سماعات الاذن بردة كويس جدا .