الداكس

ايه هى الداكس؟؟؟

اول حاجة ايه هى الداكس؟؟؟؟؟؟
ده مؤشر البورصة الالمانى
واحد هيسال يعنى ايه مؤشر ؟؟؟؟؟
مؤشر يا سيدى عامل زى اى جى اكس 30 بتاعنا
عندنا كام مؤشر ؟؟؟؟
اولا الداو جونز وده الكبير بتاع المؤشرات ده عامل زى موتور العربية اللى بيجر وراه كل مؤشرات الدنا ده لو جاله انفلونزا كل العالم يعطس عشانه
ثنانيا مؤشر الداكس
تلاتة اس اند بى
اربعة يورو ستوكس
اهم حاجتين الداو والداكسبس ناخد بالنا من حاجة ان التعامل معاهم خطر جدا جدا جدا لانه الذبذبة عالية جدا جدا
كل يوم الداو بيلعب اقل حاجة فى 150- 200 بيب صعود او هبوط فلازم نخلى بالنا من المارجن كوول والداكس ده عامل زى الساعى بتاعه بيشيله الشنطة ماشى وراه شمعة بشمعة
طيب هنشتغل عليه ازاى يا عم الحاج ؟؟؟؟؟؟؟؟؟؟؟؟؟؟
طبعا فيه ترند سواء صعود او هبوط
وطبعا فيه تحليل فنى وشموع ومثلثات وجان واليوت وفيبوناتشى والكلام الكبير ده
بس عندنا االاهم من ده كله ؟؟؟؟؟
الاخبار الاخبار الاخبار الاخباررررررررررررررررررررررررررر
كل يوم هناك من 2- 3 اخبار بتاخد الداو 150-200 نقطة
احنا بنستنى الخبر وبندخل مع شمعة 5 دقايق سواء هبوط او صعود
مسمعش حد يقولى اصلى تحليلى بيقول مش عارف ايه انسى ده كله خش مع الخبر ومع شمعة الخمس دقايق وعيش يا باشا مع الارباح
اه نسيت اقولك سلاحك ايه فى ده كله ؟؟؟؟؟ الستوب لوز اوعى تنسى الستوب لوز لانه ممكن يعكس فى اى لحظة وممكن تخلى الستوب لو 5 نقط من نقطة الدخول وكل شوية ترفع الستوب لوز الجميل فى ده ان تاثير الخبر ممكن يفضل جلسة اوربا وكمان جلسة امريكا والاجمل كمان انك ممكن تدخل فوول مارجن فكده بيزيد المكسب اكتر واكتر
طبعا واحد خبيث سمعه بيقول ده طبعا اكيد يحيى ده مليونير هقوله ولا مليونير ولا حاجة لان الموضوع محتاج صبر وان ايديك متاكلكش كل شوية تعمل اورود وان تشتغل اخبار وفقط وما تقعدش قصاد الشاشة بتجرى ورا الشمعة لان الداو بيطمع جدا جدا فلازم الهدوء وانتظار الاخبار فقط لا غير
ولو عايزين نعمل ورشة ونشترك فيها كلنا سواء بالتحليل الفنى والاساسى والاخبارى على جميع مؤشرات الدنيا يكون كويس جدا ونستفيد كلنا من بعض