احذر تعويض الخسارة

السلام عليكم ورحمة الله وبركاتة

تعويض الخسارة .. معنى فى منتهى السخافة
مجرد كلمة أو كلمتين
لكنها فى الحقيقة ، عملية حسابية مؤلمة ومُحبطة .. فاحذرها
ليه بقى ؟؟؟
ببساطة .. تعويض الخسارة ، بتخليك تشتغل وقت مُضاعف وبجهد مُضاعف
علشان تعوض الخسارة .. لو كنت بتشتغل 8 ساعات ، يبقى لازم تشتغل 16 ساعة
لو كنت بتكسب متوسط شهرى ( مثلاُ ) 150 دولار
فأنت هنا مُطالب ( علشان تعوض الخسارة بقى يا جميل ) .. مُطالب
بإنك تحقق أرباح ، لا تقل - إن لم تزد - عن 300 دولار .. صح الكلام ؟؟؟

وعلى فكرة : تعويض الخسارة ، لها عملية حسابية خاصة بها هى بالتحديد
عملية فى منتهى السخافة ، ومعقدة ومُملة ومن عدة خطوات متتالية ومتوالية ..
المهم : فى نهايتها ، بتلاقيها مش عاطفية أبداً .. ولا تعرف أى حاجة عن العواطف
يبقى إلزق بقى يا حلو فى الكرسى اللى أنت قاعد عليه ، وتابع صفقاتك .. وكن حذر ويقظ ودقيق
حذر .. و .. يقظ .. و .. دقيق
ثلاث كلمات وفيهم ما فيهم .. وذنبك على جنبك بعد كده ، ولا تلومن إلا نفسك